არასამართლიანი ბლოგი

შევარდნაძის მიმართვა ნიკიტა ხრუშჩოვისადმი

2011-09-25T10:49:00.000-07:00

მახსოვს,ახლად აშენებულსპორტის სასახლეში,როგორ მიმართა ნიკიტა ხრუშჩოვს საქართველოს კომკავშირის ცენტრალურიკომიტეტის პირველმა მდივანმა ედუარდ შევარდნაძემ.

„ძვირფასო ნიკიტა სერგისძევ! გადმოგცემთ რა ამ წერილს (ლაპარაკია საქართველოს ახალგაზრდობის ხრუშჩოვისადმიმიძღვნილ წერილზე. გ.ფ.) და შეგნებული გვაქვს რა მთელი პასუხისმგებლობა პარტიის,სამშობლოს,ხალხის წინაშე,ჩვენ საქვეყნოდ ვაცახდებთ,რომჩვენი წერილის ყოველი სიტყვა,ყოველი ფრაზა მთელი ქართველი ახალგაზრდობის გულის სიღრმეშიწარმოიშვა.ეს არის ჩვენი თაობის ფიცი,ეს არის სიმბოლო უსაზღვრო ერთგულება,შეკავშირებისაჩვენი მშობლიიური კომუნისტური პარტიის ლენინური ცენტრალური კომიტეტის გარშემო“.[1]

[1] ფანჯიკიძე, გურამ. სიმართლე,მხოლოდ სიმართლე. თბილისი: გამომცემლობა "მერანი", 1991. გვ.373.

ლევან ჯგერენაია

„აფხაზეთის დეპუტაცია“

2011-09-25T10:45:00.000-07:00

რევოლუციამდე საქართველოშიგამოდიოდა ჟურნალი „თეატრი და ცხოვრება“.ჟურნალის 1916 წლის 29-ე ნომერში (გვ. 4) დაბეჭდილიაინფორმაცია სათაურით: „აფხაზეთის დეპუტაცია“,ინფორმაციას თან ახლავს ფოტოც.აფხაზეთისდეპუტაციაში შედიოდნენ თავადები ა.კ. შერვაშიძე, ა.გ. შერვაშიძე, მ. ემხვარი, ა. ინალიფა(ბატონი შალვას მოგვარე გ.ფ.) , პ. ანჩაბაძე და გლეხობის წარმომადგენლები ბ. ეზუხბაიადა ა. ჩუკბარი.გთავაზობთ ნაწყვეტს ამ ინფორმაციიდან.

„როგორც მკითხველებმა იციან,აპრილის ბოლო რიცხვებშითბილისს ეწვია აფხაზეთის დეპუტაცია,რომელიც მეფის ნაცვალს წარუდგინა და აფხაზეთის სახელითსხვადასხვა მოთხოვნილება მოახსენა.მოთხოვნილება იგი შეეხებოდა აფხაზეთის ახლანდელ მდგომარეობასდა მათ კულტურულ-ეკონომიუ ზრდა-განვითარების საქმეს.

მათო მოთხოვნილება შემდეგიიყო: მიექცეს განსაკუთრებული ყურადღება აქამდე მივიწყებულ სოხუმის ოლქს, 2. გაიხსნასიქ რაც შეიძლება მეტი სკოლები,უმთავრესად პრაქტიკული ხასიათისა, 3. გაყვანილ იქნასახალი გზები და შესწორებული - ძველი. 4. სწავლა სკოლებში წარმოებდეს მშობლირ ენაზე(ქართულზე და აფხაზურზე), 5. სოხუმის ოლქი გამოყოფილ იქნას ცალკე გუბერნიად და არასგზით არ იქნეს შეერთებულ-მიწერილი სხვა,უცხო გუბერნიასთან (მაგ. შავი ზღვის),6. თუ შეუძლებელი იქნება ცალკე გუბერნიად სოხუმისგარდაქმნა და იგი რომელიმე გუბერნიას უნდა შეუერთდეს,ამ შემთხვევაში სოხუმის ოლქი შეერთებულიუნდა იქნეს ქუთაისის გუბერნიასთან, ქ. სოხუმის ეპარქია,რადგან ის მთელი თავისი წარსულითდა აწმყოთი შესისხლხორცებულია საქართველოს ეკლესიასთან,არაგზით არ უნდა იქნეს გამოყოფილისაქართველოს საექსარხოსოდან“.[1]

[1] ფანჯიკიძე, გურამ. სიმართლე,მხოლოდ სიმართლე. თბილისი: გამომცემლობა "მერანი", 1991. გვ.64-65.

ლევან ჯგერენაია

ლიტერატურის (ციტირება,გამოყენებული ლიტერატურა და ბიბლიოგრაფია) მითითება Chicago სტილში

2011-07-03T09:34:00.000-07:00

ლიტერატურის (ციტირება,გამოყენებული ლიტერატურა და ბიბლიოგრაფია) მითითება Chicago სტილში.

პირველ რიგში,ამისათვის საჭიროა Microsoft Office 2007 (ან უფრო ახალი).შემდეგ გავხსნათ ვორდის ფაილი და დავიწყოთ აკრეფვა.

ნაბიჯი I: როცა მორჩება წინადადების ციტირება და გინდათ რომ მიუთითოთ,ამისთვის საჭიროა: Word-ში ავირჩიოთ Reference ,ავირჩიოთ Style: Chicago .ბაზაში Manage Sources _დან ჩავამატოთ შესაბამის ლიტერატურა.იხ.სურათი #1:

გამოჩნდება მონაცემების შესავსები ბაზა,სადაც უნდა მივუთითონ წიგნის ავტორი,სათაური,წელი,ქალაქი და გამომცემელი.ამის შემდეგ,წიგნი იქნება ბაზაში.

ნაბიჯი II: თუ თქვენ უკვე გააკეთეთ ციტირება,უკვე დროა მიეთითოს ამის შესახებ სქოლიოში.ეს კი ასე კეთდება: ისევ Reference ,მერე იქ არის AB insert Footnote ,ამაზე დაკლიკვით გამოჩნდება ციტირების მაჩვენებელი იმ წინადადების ბოლოს,სადაც მოხდა ციტირება (ამისთვის ასევე საჭიროა,რომ კურსორი ჩააგდოთ ციტირებული წინადადების ბოლოს).წიტირება დაინომრება,მაგ. ეს თუ იყო პირველი ციტირება,შესაბამისად იქნება „1“ .

იხ.სურათი #2:

რაც მთავარია,ამის შემდეგ გაჩნდება სქოლიო,სადაც ხდება ციტირებული ლიტერატურის მითითება.იხ.სურათი #3:

სქოლიოში მითითება კი,შემდეგნაირად ხდება: Reference >> Bibliography >> Insert Bibliography (იხ.სურათი #2 ,ზემოთ).

სულ ეს არის ციტირების მითითება.ხოლო რაც შეეხება გამოყენებული ლიტერატურისა და ბიბლიოგრაფიის მითითებას,ამისათვის საჭიროა,რომ ყველა ლიტერატურა იყოს ჩაყრილი ბაზაში და შემდეგ: Reference >> Bibliography >> და დავაკლიკოთ პირველივეზე - Bibliography_ზე.

ასევე შეგიძლიათ,რომ ეს ყველაფერი იხილოთ ვიდეო ვერსიით:

დამატებით კითხვები ბლოგზე ან მეილზე: http://levo-jgerenaia.blogspot.com

მეილი: levo_j@yahoo.com

Facebook: http://www.facebook.com/profile.php?id=1550974201

ლევან ჯგერენაია

საკუთრების უფლების დაცვის გარანტიები საქართველოში

2011-06-16T12:19:00.000-07:00

შესავალი

წინამდებარე თემის კვლევის საგანს წარმოადგენს საკუთრების უფლების დაცვის მექანიზმების წარმოჩენა კონსტიტუციურ და კერძო სამართლის ჭრილში.კერძო სამართლის ჭრილში განხილულია,მხოლოდ ჩუქების ინსტუტუტიდან - ნორმა,რომელიც ითვალისწინებს ნაჩუქარი ქონების უკან გამოთხოვას.

ნაშრომში ასევე განხილულია საკუთრების უფლების დაცვა საერთაშორისო ასპექტებში,რაც მოიცავს საერთაშორისო შეთანხმებების მნიშვნელობას ქართულ კანონმებლობაში,საკუთრების უფლების დაცვის ფარგლებში; ასევე მოყვანილია სხვადსხვა ქვეყნის კონსტუტუციის ნორმები გაანალიზება,რომელიც ითვალისწინებს საკუთრების უფლების დაცვას.

წინამდებარე ნაშრომის ფარგლებში არის რამდენიმე რეკომენდაცია,რომელიც უკავშირდება განხილულ საკითხებში აღმოჩენილი პრობლემების აღმოფხვრას.

თემის აქტუალობა

თემის აქტუალობას წარმოადგენს საკუთრების უფლების დაცვის მექანიზმების გააზრება და მასში არსებული პრობლემების წარმოჩენა.

თემის მიზანი

თემის მიზანს წარმოადგენს საკუთრების უფლების დაცვასთან დაკავშირებული პრობლემების წარმოჩენა,მისი აღმოფხვრის საშუალებების შემუშავების მეთოდები და კონკრეტული რეკომენდაციები.

სამეცნიერო სიახლე

ნაშრომის სამეცნიერო სიახლეს წარმოადგენს:

1. საკუთრების უფლების წარმოჩენა ქართულ საკანონმებლო ჭრილში და საერთაშორის ასპექტები;

2. იურიუდიული პირებთან დაკავშირებული დავის შემთხვევაში წარმოშობილი პრობლემების გადაჭრისთვის საჭირო მიმართულების შემუშავება;

3. საკუთრების უფლების დაცვასთან დაკავშირებული პრობლემატური საკითხების და ხარვეზების აღმოფხვრის გზები;

4. საკუთრებს უფლების კონსტიტუციურ ჭრილში დაცვის მექანიზმები და მასში არსებული პრობლემების გამოვლენა.

წინამდებარე ნაშრომში წარმოდგენილია რამდენიმე პრობლემატური საკითხი,როგორც კონსტიტუციური სამართლიდან (საკუთრების უფლების დაცვის ჭრილში) ასევე კერძო სამართლის მიმართულებიდან - ჩუქების გამოთხოვასთან დაკავშირებით.

წინამდებარე ნაშრომს თან ერთვის:

Ø სარჩევი;

Ø ციტირებული ლიტერატურის ნუსხა;

Ø გამოყენებული ლიტერატურის ნუსხა;

Ø ბიბლიოგრაფია.

ნაშრომის შედგენბა ოთხი პარაგრაფისგან.ყველა პარაგრაფში თანმიმდევრულად არის განხილული ის პრობლემატური საკითხები,რომელიც უკავშირდება საკუთრების უფლების დაცვასა და შეზღუდვას.

პირველ პარაგრაფში არის ზოგადი მიმოხილვა საკუთრების უფლების მიმოხილვისა;ასევე მასში არის შესული საკუტრების უფლების მოკლე წაროშობის ისტორიული ექსკურსი და განვითარება.

მეორე პარაგრაფში განხილულია საკუთრების უფლების დაცვის კონსტიტუციური გარანტიები,ასევე საერთაშორი ასპექტები,სხვადასხვა კონვენციებთან და ხელშეკრულებებთან მიმართებაში.აქვე არის მოყვანილი რამდენიმე სასამართლო პრაქტიკა,ქართული სასამართლოდან.

მესამე პრაგრაფში განხილულია საკუთრების ჩამორთმევის საფუძვლები,რომელსაც ქართული კანონმდებლობა ითვალისწინებს.საუბარი მასში მოცემულ ბუნდოვან ფრაზებზე,წინადადებებზე და ტერმინებზე.

მეოთხე პარაგრაფში საუბარი საკუთრების უფლების დაცვაზე კერძო სამართლში ჭრილში.კერძოდ კი,განხილუია ჩუქების ინსტიტუტში არსებული ნორმა,რომელიც გარკვეულ შემთხვევებში ითვალისწინებს ნაჩუქარი ქონების უკან გამოთხოვას გამჩუქებლის მიერ.განხილუია მისი შესაბამისობა კონსტიტუციის 21-ე მუხლთან.

ნაშრომის ბოლოს კი,მოცემულია დასკვნა,სადაც თავმოყრილია ნაშრომის განხილული პრობლემები,რომლებიც დამატებით კვლევას საჭიროებენ.ასევე არის რამდენიმე კონკრეტული რეკომენდაციები.

სტატიის სრული ვერსია ...

ლევან ჯგერენაია

ფრენშაიზინგის წარმოშობა

2011-05-27T11:53:00.000-07:00

შესავალი

იჯარისა და ქირავნობის ხელშეკრულებებისაგან განსხვავებით, ფრენშაიზინგის ხელშეკრულებას არა აქვს ძალიან დიდი წარსული,თუმცა ის,უკვე დიდი ხანია უკვე არსებობს.

ფრენშაიზინგი,განსაკუთრებით მეორე მსოფლიო ომის შემდეგ გახდა პოპულარული.

ფრენშაიზინგის წარმოშობა

ფრენშაიზინგი,როგორც ტერმნინი და მისი წარმოშობა,საკმაოდ საკამათოა.სამართლის ლიტერატურაში,განსხვავებებსაც ხშირად ვხვდებით.

ინგლისურენოვანი ლიტერატურის მიხედვით „ფრენშაიზინგი“ წარმოიშვა ინგლისური სიტყვისაგან „Franchising” და ქართულად ნიშნავს ,პრივილეგიას.ფრენშაიზინგი,როგორც კომერციული საქმიანობის მეთოდი და ხელშეკრულების სპეციფიკური სახეობა,პირველად ამერიკის შეერთებულ შტატებში აღმოცენდა და აქედან შემდეგ მთელმსფოფლიოში გავრცელდა.[1]

ისტორიულ ფესვებს,ფრენშაიზინგი იღებს შუა საუკუნეებიდან,როდესაც კათოლიკურმა ეკლესიამ გააკეთა ფრენშაიზის (ფრენშაიზინგი) მსგავსი ხელშეკრულება გადასახადის შემგროვებლებთან,რომლებიც აგროვებდნენ თანხას და დაქვითულ პროცენტებს ეკლესიას უბრუნებდნენ.[2]

ეს ფაქტი,მინიჭებული პრივილეგიების სახით იყო ცნობილი.

შედარებით თანამედროვე სახით ,ფრენშაიზინგი 1800-იანი წლებიდან იწყებს ჩამოყალიბებას აშშ-ში,სადაც პირველად აღნიშნული სისტემის გამოყენება „ზინგერის“ კომპანიამ დაიწყო (singer sewing machine company) ,1898 წელს მას მოჰყვა „ჯენერალ მოტორსი“, „კოკა-კოლა“ და სხვ.[3]

ფრენშაიზინგის ხელშეკრულების ფესვების ძიება,უფრო შეორელ წარშულიც შეიძლება.კერძოდ კი XII საუკუნეში.სავარაუდოდ,მისი წარმოშობა,სწორედ ამ ეპოქას უკავშირდება.

ზემოთ მოყვანილი ფაქტებიდან ჩანს,რომ ფრენშაიზინგი არის წარმოშობილი ინგლისური სიტყვიდან.არსებობს მეორე მოსაზრებაც.

ტერმინი „Franchise“,ქართულად - „ფრენშაიზინგი“ ფრანგული წარმოშობისაა.იგი ნაწარმოებია „Franc”-დან,რომელიც 1100 წელს იქნა პირველად გამოყენებული „სიმღერაში როლანდზე“ .ამ სიტყვით ხასიათდებოდა როლანდი,როგორც თავისუფალი,გულწრფელი ადამიანი.“Franchise” პირველად ვილჰემის კანონებში მოიხსენიება და ნიშნავდა ადამიანის თავისუფალ უფლებებს,შეღავათს,პრივილეგიას.“ფრენშაიზინგის“ მნიშვნელობა თანამედროვე გაგებით XVII-XVIII ს.ს-დან შემოვიდა,ხოლო XX საუკუნეში ჩამოყალიბდა,როგორც ხელშეკრულების დამოუკიდებელი სახე.[4]

დასკვნა

მაშ ასე,უნდა ვივარაუდოთ,რომ ფრენშაიზინგი,როგორც ტერმინი წარმოიშვა 1100 წელს და ის ფრანგული წარმოშობისაა (როგორც ტერმინი),ხოლო,ფრენშაიზინგი,როგორც სამეწარმეო საქმიანობა 1800 -იანი წლებიდან იღებს სათავეს.

ფრენშაიზინგის ფორმა საქართველოში და საზღვარგარეთ

საქართველოს სამოქალაქო კოდექსის (შემდგომში - სსკ) 611-ე მუხლის თანახმად,ფრენშაიზინგის ხელშეკრულება უნდა დაიდოს წერილობით.

იტალიაში,2004 წელს მიიღეს სპეციალური კანონი ფრენშაიზინგის ხელშეკრულების რეგულირებასთან დაკავშირებით (RULES ON THE REGULATION OF FRANCHISE).სწორედ ეს კანონი განსაზღვარს იტალიაში ხელშეკრულების დადების ფორმა.ამავე კანონი ,სსკ-ის მსგავსად: ფრენშაიზინგის ხელშეკრულება უნდა დაიდოს წერილობითი ფორმით.[5]

სპეციალური კანონი ფრენშაიზინგის შესახებ,ბელგიამაც მიიღო 2005 წელს,რომელიც შესაბამისად არეგულირებს ფრენშაიზას.კანონის მე-7 მუხლში ვკითხულობთ,რომ მუხლები/პუნქტები ნათლად და გასაგებად უნდა იყოს ჩამოყალიბებული.[6] თუ ამ მუხლში გაწერილ დათქმას გავითვალისწინებთ,უნდა ვივარაუდოთ,რომ ფრენშაიზინგის ხელშეკრულება,ბელგიაშიც წერილობითი ფორმით იდება.

ფრენშაიზინგული კომპანიები საქართველოში

ფრენშაიზინგის „ინტიტუტს“ საქართველოს კანონმდებლობაც ცნობს.არსებობს რამდენიმე კომპანია,რომელიც ფრენშაიზინგს იყებს და მათი რიცხვი,კიდევ იზრდება.

კომპანიები,რომლებიც ფრენშაიზინგის ხელშეკრულებით მუშაობენ საქართველოში:

„მაკდონალდსი“ ერთ-ერთი მათგანია,რომელიც ფრენშაიზას ხელშეკრულებით მუშაობს საქართველოში.[7]

საქართველოს ტერიტორიაზე აღნიშნულ საქმიანობას ეწევა „შერატონი“,“ჰაიტი“,“კოკა-კოლა“.პარფიუმერული სალონი „ივ-როშე“ (საფრანგეთი), „ისი-პარი“, „ვულე-ვუ“. რითეილური მაღაზიები - „ნაფ-ნაფი“, „ლინენსი“, „დავი“ , „ბატა“.ბენზინგასამართი სადგურების ქსელი - „ვისოლი“, „ლუკოილი“[8] და სხვ.

ლევან ჯგერენაია

გამოყენებილი ლიტერატურა

1. ქოქიაშვილი, მ. (2009). ფრენშაიზინგი და მისი სამართლებრივი რეგულირება. თბილისი: გამომცემლობა "მერიდიანი".

2. ჯორბენაძე, ს. (1999). ფრენშაიზინგის ხელშეკრულება. თბილისი: თბილისის უნივერსიტეტის სტამბა.

3. საქართველოს სამოქალაქო კოდექსი. (2010). თბილისი: გამომცემლობა "ბონა კაუზა".

4. ფრენშაიზინგი. (n.d.). Retrieved 2011 წლის 13 04 from NATIONAL PARLIAMENTARY LIBRARY OF GEORGIA: http://www.nplg.gov.ge/gwdict/index.php?a=term&d=5&t=1217

5. Italian Senate. (2004, 04 21). RULES ON THE REGULATION OF FRANCHISE. Retrieved 04 15, 2011, from Italian Franchising Law: http://www.buyusa.gov/italy/en/272.pdf

6. Law relative to pre-contractual information in the framework of. (2005 წლის 19 12). Retrieved 2011 წლის 15 04 from Belgium - Franchise Legislation: http://www.eff-franchise.com/IMG/pdf/Belgium_-_Franchise_Legislation_on_Precontractual_.pdf

7. McDonald's International Franchising. (n.d.). Retrieved 2011 წლის 13 04 from M.: http://www.aboutmcdonalds.com/mcd/franchising/international_franchising_information.html

8. Sharp, A. G. (n.d.). HISTORY OF FRANCHISING. Retrieved 2011 წლის 13 04 from Reference for Business: http://www.referenceforbusiness.com/encyclopedia/For-Gol/Franchising.html

[1] ფრენშაიზინგი. (n.d.). Retrieved 2011 წლის 13 04 from NATIONAL PARLIAMENTARY LIBRARY OF GEORGIA: http://www.nplg.gov.ge/gwdict/index.php?a=term&d=5&t=1217

[2] Sharp, A. G. (n.d.). HISTORY OF FRANCHISING. Retrieved 2011 წლის 13 04 from Reference for Business: http://www.referenceforbusiness.com/encyclopedia/For-Gol/Franchising.html

[3] ქოქიაშვილი, მ. (2009). ფრენშაიზინგი და მისი სამართლებრივი რეგულირება. თბილისი: გამომცემლობა "მერიდიანი".გვ.8.

[4] ჯორბენაძე, ს. (1999). ფრენშაიზინგის ხელშეკრულება. თბილისი: თბილისის უნივერსიტეტის სტამბა.გვ.3.

[5] Italian Senate. (2004, 04 21). RULES ON THE REGULATION OF FRANCHISE. Retrieved 04 15, 2011, from Italian Franchising Law: http://www.buyusa.gov/italy/en/272.pdf .article 3.

[6] Law relative to pre-contractual information in the framework of. (2005, 12 19). Retrieved 04 15, 2011, from Belgium - Franchise Legislation: http://www.eff-franchise.com/IMG/pdf/Belgium_-_Franchise_Legislation_on_Precontractual_.pdf article 7.

[7] McDonald's International Franchising. (n.d.). Retrieved 2011 წლის 13 04 from M.: http://www.aboutmcdonalds.com/mcd/franchising/international_franchising_information.html

[8] ქოქიაშვილი, მ. (2009). ფრენშაიზინგი და მისი სამართლებრივი რეგულირება. თბილისი: გამომცემლობა "მერიდიანი".გვ.10.

ახლო ნათესავებს შორის ქორწინება დიდებულთა წრეში

2011-03-27T09:01:00.000-07:00

წარმართულ ხანაში საქართველოში ხშირად ადგილი ჰქონდა ბიძაშვილთა ,საერთოდ და ახლო ნათესავებს შორის ქორწინებას.

ზოგჯერ ეს წარმართული ჩვეულება ქრისტიანობის გამარჯვების შემდეგაც ჩანს.ცხადია,ქრისტიანულ რელიიას და ქრისტიანულ ეკლესიას სავსებით ვერ აღმოუფხვრიათ ქორწინების ზემოხსენებული წესი.

პეტრე იბერიელის ასურულ ენაზე დაწერილი ცხოვრების ტექსტის მიხედვით თუ ვიმსჯელებთ,სამეფო საგვარეულოს შიგნით მახლობელ ნათესავთა შორის ქორწინება არ უნდა ყოფილიყო უცხო ქართული სინამდვილისათვის.ბიძაშვილის ცოლად შერთვა წარმართული ხანის საქართველოში ნებადართული ჩანს.

რომაელი ისტორიკოსის ტაციუსის ცნობით,ფარსმანს (ფარსმანეს),იბერიის მეფეს,ჰყოლია ძმა,სახელად მიჰრდატი (მითრიდატე) ,რომელმაც რომაელების თანადგომით სომხეთის ტახტიც კი დაიპყრო და,რომელსაც ცოლად თავისი ძმისწული,ფარსმანის ასული ესვაო (ანალები.XI,44,46).

როგორც ჩანს,სამეფო საგვარეულოში ენდოგამიას საკმაოდ ხანგრძლივი ისტორია ჰქონდა.იქ ბიძაშვილზე უფრო ახლო ნათესავებსაც კი ირთავდნენ ცოლად.

კონსტანტინე პორფიროგეგენეტის (912-859 წწ.) ცნობით,საქართველოს დიდებულთა საგვარეულოში,კერძოდ ბაგრატიონებში,სახლის კაცთა შორის ქორწინების ჩვეულებაც ყოფილა.ავტორი მოგვითხრობს,რომ ბაგრატიონებს თავიანთი თავი დავით წინასწარმეტყველის შთამომალვად მიაჩნიათო და დასძენს: ამიტომაც ივერიელი დიდებულები ადვილად ქორწინდებიან თავიანთ ნათესავ ქალებზე,ფიქრობენ რა,რომ ძველ ადათ-წესებს იცავენო.კონსტანტინე პორფიროგენეტს აღნიშნული აქცს ახლო ნათესავთა შორის ასეთიქორწინების ორი შემთხვევა.

იოანე საბანიძე აბო თბილელის მარტვილობაში მოგვითხრობს,რომ ნერსე ერისთავის ქარლიდან ლტოლვის შემდგომ „წარმოავლინა მაჰდი ამირა-მუმნმან ბრძანებითა ღმრთისაითა სტეფანოზ-ძე გურგენ ერისთავისა,დისწული ნერსესი,ნაცვლად დედის ძმისა ნერსესა ერისმთავრად ქეუყანასა ამას ქართლისას.მაშინ მხიარულ იქმნა ნერსე რამეთუ უფლებაი იგი სახლისა მამისაგან არა განაშორა უფალმან“.

იაოანე საბანის-ძის ზემოაღნიშნული ცნობა ქართულ ისტორიოგრაფიაში მიჩნეულია დიდებულთა შორის ენდოგამიის დამადასტურებლად.

ისტორიული წყაროებიდან ირკვევა,რომ V საუკუნეში ,როდესაც დაიწერა იაკობ ცურტაველის თხზულება,ქართველობისათვის ,ან უფრო სწორად ქართველ წარჩინებულთათვის ,უცხო არ ყოფილა ახლო ნათესავთა შორის ქორწინება.

ქართველი ისტორიკოსის-ჯუანშერის ცნობით,ომში მიმავალი ვახტანგ გორგასალი (V ს.) ასეთი შინაარსის ანდერძს სტოვებს: „უკეთუ არღარა შემოვიქცე ცოცხალი,და ჩემი ხუარანძე შეირთოს მირიან,რომელი ეყვოდა ვახტანგს მამის ძმისწულად... „. მაშასადამე ,ვახტანგ მეფის ანდერძის მიხედვით,მისი და უნდა შეერთო ბიძაშვილს,მირიანს.

საქართველოში ახლო ნათესავებს შორის ქორწინებას ადგილი ჰქონია უფრო გვიანაც.ეს გარემოება არ გამოპარვიათ მკვლევარებს, აკად. კორნელი კეკელიძემ ასეთ ფაქტზე საკმაო სისრულით მიუთითა.მერვე საუკუნეში არჩილ მეფემ თავის ძ№ის მიჰრის ქალი ცოლად მისცა „მამის ძმიშვილსა მისსა“ - ე.ი ბიძაშვილს (ნათესაობის მეორე ხარისხი).მერვე საუუნემდე ქართლის კათალიკოსმა თალალემ ნება დართო ალბანეთის მთავარს - ვარაზს,რომ ცოლად შეერთ ბიძაშვილი ვართანუჰი.

IX-X საუკუნეებში ხშირი ყოფილა ასეთი ქორწინება ბაგრატიონებს შორის.ამ მოსაზრების სასარგებლოდ კიდევ მრავალი ფაქტის ამოკრეფა შეიძლება ისტორიული წყაროებიდიან.აკად. კ. კეკელიძეს ჩვენს მიერ უკვე მითითებულ ნაშრომში დამოწმებული აქვს ცნობილი მკვლევარი მარქვარტი და ნათქვამი აქვს,რომ მის მიერ სხვადასხვა წყაროებიდან ამოკრეფილი ცნობების მიხედვით ადარნასე მაგისტროსს (გარდაიცვალა 961 წ.),ხოლო სუმბატ ერისთავთაერისთვისა (გარდაიცვალა 988 წელს) ,ხოლო სუმბატს - და ადარნასესი.სუმბათი არტანუჯელის (გარდაიცვალა 889 წ.) მეორე ცოლი ყოფილა მისი ბიძის ბაგრატ პირველის (გარდაიცვალა 876 წ.) შვილიშვილი (ქალი ადარნასესი).ამ სუმბატის შვილის,ბაგრატ მეორე ცოლისა.მართალია აკად. ექვთიმე თაყაიშვილს მარქვარტის მიერ მოტანილ ცნობებში კორექტივი აქვს შეტანილი,მაგრამ ისე,რომ ზემოხსენებული ფაქტები მასაც აქვს დადასტურებული და ამ კორექტივს ჩვენთვის ამ ცნობების სარგებლობის თვალსაზრისით არ შეუძია შეამციროს მისი ღირებულება.

ფეოდალურ საქართველოში ახლო ნათესავთა შორის ქორწინება ძირითადად მაღალი წოდება-კლასის სინამდვილეში ხდებოდა.

ტექსტი კოპირებულია წიგნიდან: ნადარეიშვილი, გ. (1996). ძველი ქართუი საოჯახო სამართალი. თბილისი: გამომცემლობა "სამთავისი".გვ.13-16.

ლევან ჯგერენაია

ნასყიდობის ხელშეკრულების წარმოშობა საქართველოში

2011-03-07T08:29:00.000-08:00

როგორც ჩვენთვის ცნობილია,ნასყიდობის ხელშეკრულება ერთ-ერთი უძველესი ინსტიტუტია სამოქალაქო სამართლში.

იმისათვის,რომ ნასყიდობის ხელშუკრულებას დღევანდელი მდგომარეობისთვის მიეღწია,მრავალი ეპოქა გამოიარა.

ნასყიდობის ხელშეკრულების წარმოშობა საქართველოში

თუ ქართული სამართლის ძეგლებს გადავხედავთ,ვნახავთ,რომ ის საქართველოშიც გამოიყენებოდა,რისი დამამტკიცებელი საბუთები მოიპოვება.

კერძოდ კი,ნიკორწმინდის XI ს. სიგელში ნათქვამია: „ჯინჭარაჲს ძისა გლეხისაგან ვიყიდე ნაოთხალი ვენაჴისაჲ,ჩეუნ თანა ედვა,და გავისაკუთრე“-ო (ქ.კბი II,45).[1]

შეიძლება ვივარაუდოთ,რომ საქართველოში ნასყიდობის ხელშეკურლება იდებოდა VI საუკუნიდან.ამას დასადასტურებლად დღეისთვის უქვე არსებობს სათანადო წყარო.

პირველი ქართული წარწერა,რომელიც მიწის ნასყიდობის ფაქტს ადასტურებს,ქვაჯვარზეა ამოკვეთილი და VI საუკუნით თარიღდება.ის წყისის წარწერის სახელით არის ცნობილი.[2]

ლევან ჯგერენაია

[1] ჯავახიშვილი, ი. (1929). ქართული სამართლის ისტორია (წიგნი მეორე). ტფილისი: "თფილისის უნივერსიტეტის გამოცემა".გვ.431.

[2] საქართველოს სამართალშემოქმედების ისტორია. (n.d.). Retrieved 2011 წლის 05 03 from საქართველოს იუსტიციის სამინისტრო: http://www.justice.gov.ge/index.php?sec_id=66

ჩემი ცოლი,ქალიშვილი იქნება...

2011-02-20T11:44:00.000-08:00

ამას წინათ,ერგან მოვხვდი მწვავე დისკსუსიებში,სადაც ერთი მხარე დაჟინებით ამბობდა,რომ მისი მომავალი მეუღლე,აუცილებლად ქალიშვილი უნდა ყოფილიყო :)

საინტერესოა... ძალიან ბევრს აქვს მსგავსი სურვილი.

ამ დისკუსიებში,მეც მომიხდა „ჩართვა“,ანუ ჩემი აზრის დაფიქსირება მიწევდა.იქ მყოფი ადამიანების მიხედვით თუ ვიმსჯელებს,მერჩივნა,ჩემი შეხედულება ირონიული ყოფილიყო,ვიდრე სერიოზული :)

მაშ ასე,რას წარმოადგენს „ქალიშვილობა“ ? მოდი,ეს სიტყვა ასე დავწეროთ - ქალი-შვილი.

რას ნიშნავს ქალი ? ქალი - ეს არის მდედრობითი სქესის ადამიანი .

რას ნიშნავს შვილი ? ამის განმარტებისგან თავს შევიკავებ,რადგან მას არა აქვს არსებითი მნიშვნელობა,ამ შემთხვევაში.

ქალიშვილი - ანუ,ეს არის მდედრობითი სქესის ადამიანი. რაც მთავარია, სიტყვა ქალიშვილი მოიცავს მდედრობითი სქესის ადამიანც,როგორც ქალწულს ( ქალწული ) ,ასევე არა ქალწულს :)

რა გამოდის?თუ ცოლად მოგყავს მდედრობითი სქესის ადამიანი,ის აუცილებლად ქალიშვილია? :)

ასე რომ,ნუ იღელვებთ,თქვენ ,აუცილებლად ქალიშვილი შეგხვდებათ !

ლვან ჯგერენაია

პოსტის გამოქვეყნება ბლოგზე,Word_დან

2010-12-13T13:10:00.000-08:00

ეტყობა ჩემს ბლოგს,რომ მიგდებულია... გადავწყვიტე,რომ რამე პოსტი უნდა დამედო და მეც გადავწყვიტე,რომ ეს ყოფილიყო ბლოგთან პოსტთან კავშირში,უფრო კონკრეტულად რომ ვთქვა,პოსტის გამოქვეყნება ბლოგზე, პირდაპირ word_ის დოკუმენტიდან.თუ,როგორ უნდა გაკეთდეს ეს, დაბლა დავწერ და თან, რამდენიმე ფოტოსაც მივამაგრებ,თან გავტესტავ კიდეც ...

პირველ რიგში,ამისთვის საჭიროა ჩვენი ნება,დავწეროთ პოსტი Microsoft Office 2007-ში.შემდეგ კი ყველაფერი მარტივია.

როცა ჩათვლით,რომ თქვენი პოსტი მზადაა გამოქვეყნებისათვის,ვორდში ნახეთ შემდეგი რამ:

როცა გამოჩნდება არჩევის ფუნქცია,მოძებნეთ - Publish > Blog:

აქ კი,უნდა შეიყვანოთ თქვენი ბლოგის მონაცემები, Register Now >> და იქვე გააგრძელებთ მონაცემების შევსებას.

გაიხსნება ახალი ფაილი,სადაც იქნება თქვენი დაწერილი ტექსტი და მოგთხოვთ სათაურის გაკეთებას,რასაც თავად მიუთითებთ ...

ასევე შესაძლებელია „თეგების“ გაკეთებაც.ამისთვის საჭიროა მიმართოთ შენახვის (Save as) ფუნქციას ,გამოჩნდება თეგების შესავსები გრაფა,შეავსებთ და შეინახავთ...

თქვენ შეგიძლიათ ჩასვათ ლინკები და ა.შ.იგივე ფუნქციებია ,რაც ბლოგის სამართავ პანელში,მეტიც კი : )

ამ ყველაფრის შემდეგ კი, შეძლებთ გამოაქვეყნოთ თქვენი პოსტი - Publish ფუნქციის მეშვეობით.

ვინც უკვე იყენებს ამ ფუნქციას,დამატებით რჩევებიც შეგიძლიათ დაწეროთ ...

სულ ეს იყო,ყველაფერი მარტივია... თუ რამე კითქვები იქნება,შეგიძლიათ დაწეროთ ...

ლევან ჯგერენაია

მოკლედ scribd.com-ის შესახებ

2010-11-25T10:17:00.000-08:00

არის ერთი ასეთი სოციალური ქსელი - scribd.com ,რომელსაც,რატომღაც ნაკლებად ვიყენებთ.არადა,შესანიშნავად შეიძლება მისი გამოყენება facebook-თან და twitter-თან ერთად და შესანიშნავია ინფორმაციის გაცვლის მიზნით.

მაშ ასე,რისთვის შეიძლება მისი გამოყენება ? შევეცდები,რომ ძალიან მოკლედ და მარტივად დავწერო (პრინციპში ძალიან მარტივია მისი გამოყენება).

ქსელს აქვს დოკუმეტების ატვირთვის ფუნქცია,როგორც კომპიუტერიდან,ასევე ინტერნეტიდან.ანუ შესანიშნავი ქსელია იმფორმაციის გაცვლისთვის,ატვირთოთ წიგნები,სტატიები და ა.შ ყველაფერი,რაც კი გამოდგება ინფორმაციის მისაღებად.უკვე ანგარიშზე ატვირთული ინფორმაციის გავრცელება კი თავისუფლად შეიძლება ფეისბუქზე,თვითერზე და სხვა სოც.ქსელზე.ეს ყველაფერი კი,ბევრად გაუადვილებს ყველას წიგნების მოძიებას ინტერნეტში და ზოგადად ინფორმაციის მიღებას.შეიქმნება ერთგვარი „ინტერნეტ ბიბლიოთეკა“.

წიგნის ჩამოტვირთვა შესაძლებელია კომპიუტერში.

ფეისბუქის მსგავსად,აქაც შესაძლებელია მომხმარებლების დამეგობრება და ძიება,ნახავთ მათ და სხსვის მიერ ატვირთულ წიგნებს.

რაც შეეხება მასში რეგისტრაციას და გამოყენებას,ძალიან მარტივია.ანგარიშის შესაქმნელად და შესვლისთვის არის რამდენიმე გზა:

1. თუ თქვენ უკვე ხართ ფეისბუქის მომხმარებელი,შეგიძლიათ გამოიყენოთ მისი მონაცემები და ისე შეხვიდეთ;

2. Sign Up-ით შეგიძლიათ გაიაროთ რეგისტაცია და შეხვიდეთ ამავე ანგარიშით (მონაცემებს შესაბამისათ მეილზე მიიღებთ).

როცა ანგირშზე შეხვალთ, არის Upload ფუნქცია,რითაც ატვირთავთ დოკუმენტებს.

მეტი მოხერხებულობისთვის და კომფორტისთვის დაემატა პროგრამა,რომელიც შეგიძლიათ ჩამოტვირთოთ კომპში,დააინსტალიროთ და პირდაპირ პროგრამიდან ატვირთოთ ფაილები (http://www.scribd.com/desktop_uploader ) .

მომხმარებლების დამეგობრებისთვის არსებობს Follow ფუნქცია.

ატვირთულ დოკუმენტებზე შეგიძლიათ დააყენოთ წვდომა,როგორიც თავად გსურთ.

სულ ესაა.კარგი იქნება,თუ აქტიურად გამოიყენებთ ამ ქსელს და ხშირად ატვირთავთ წიგნებს და ა.შ მასალებს.რაც მთავარია, ატვირთული მასალების სხვა სოც.ქსელებზე გავრცელება მნიშვნელოვანია,რათა სხვებმაც შეძლონ თქვენს მიერ ატვირთული დოკუმენტების ნახვა,სხვებსაც დაეხმარებით ინფორმაციის მიღებაში.

ეს კი,ჩემი გვერდია scribd-ზე: http://www.scribd.com/ljgerenaia .

P.S ვინც უკვე იყენებთ ამ ქსელს,ნუ იტყვით,რომ უკვე იცით ამის შესახებ და ახალი არაფერია J ეს მათთვისაა,ვინც არ იყენებს ამ უკანასკნელს.

ლევან ჯგერენაია

სამართლის ელექტრონული ბიბლიოთეკა

2010-11-21T03:03:00.000-08:00

სამართლის ელექტრონული ბიბლიოთეკა

ელექტრონული წიგნები

(გადავწყვიტე,რომ შემეგროვებინა ელ.წიგნები,სტატიები,კანონები და ა.შ...ახლა კი,ერთად ვუყრი თავს.განახლდება ხოლმე)

სიახლე - 30/12/10

ჩემი გვერდი scribd.com_ზე (ასევე იხილეთ ჩემი პოსტი scribd.com_ის შესახებ ,გამოგადგებათ.იქაც მაქვს ატვირთული რამდენიმე საინტერესო წიგნი.ასევე ხშირად ვამატებ ხოლმე).

30/12/10

წიგნების ელ.ვერსია გადწერილია საიტიდან: http://www.gyla.ge/files/

სხვა ელექტრონული ბიბლიოთეკები

უცხოური ბიბლიოთეკები

ლექციები

ლექციები სამართალზე ( Youtube ) ;

მალე დაემატება ახალი ლინკები, წიგნები,სტატიები და ა.შ... (რა თქმა უნდა სამართალთან დაკავშირებით).

11/21/10

ლევან ჯგერენაია

რელიგიის თავისუფლების აზრი და მისი ევოლუცია 2

2010-11-01T12:14:00.000-07:00

აზრის,სინდისისა და რელიგიის თავისუფლება დემოკრატიული საზოგადოების საფუძველია.ეს უფლება მორწმუნეთა ცნობიერებისა და მათი ცხოვრების წესის განმსაზღვრელი ერთ-ერთი სასიცოცხლო ელემენტია და,ამასთანავე,იგი ფასეულია ათეისტებისა დ აიმ პირებისთვისაც,რომელნიც ინდიფერენტულნი არიან რელიგიისადმი.

რელიგიურ თავისუფლებებს ასევე მოიცავს “რელიგიის გამომჟღავნების თავისუფლებაც”,როოგრც ცალკე,ისე სხვებთან ერთად,კერძოდ ან საჯაროდ.

რელიგიის თავისუფლებაში გამოიყენება ტერმნები: “აზრი”,”სინდისი”,”რელიგია” და “რწმენა” – ადამიანის უფლებათა საერთაშორისო პრაქტიკამ,თავისებურად განმარტა,რაც საინტერესოს ხდის მის სამართლებრივ მნიშვნელობას.

სინდისისა და რელიგიის თავისუფლების მიხედვით,ყველა ადამიანს აქვს უფლება საკუთარი შეხედულებებისამებრ,მიიღოს ან აღიაროს,რელიგია ან მრწამსი,როგორც ცალკე,ისე სხვებთან ერთად,კერძოდ ან საჯაროდ.

ყველას აქვს უფლება შეასრულოს და გამოხატოს საკუთარი რელიგი ლოცვით,ქადაგებითა და სწავლებით,ყოველგვარი გარეგანი ზემოქმედების გარეშე.

ის,რომ რელიგია და სახელმწიფო არ იყო სეკულარიზებული,ბევრ პრობლემას წარმოადგენდა ადამიანის გამოხატვის და რელიგიის თავისუფლების უზრუნველსაყოფად.1965 წელს,ვატიკანმა გამოაქვეყნა რელიგიის თავისუფლების დეკლარაცია,რომლის მიხედვით – “ვატიკანის მსოფლიო კრება აცხადებს,რომ ადამიანს აქვს უფლება რელიგიის თავისუფლებაზე.აღნიშნული თავისუფლება გულისხმობს,რომ ყველა ადამიანი თავისუფალია ინდივიდებს,სოციალურ ჯგუფებს ან სხვა ნებისმიერ ადამიანური ძალის მხრიდან იძულებისგან.რელიგიის თავისუფლების საფუძველი ადამიანის პიროვნების ღირსებაშია,რადგანაც ეს ღირსება უფლის სიტყვის თანახმადაა ცნობილი”.

რელიგიის თავისუფლების დასაცავად ეს ერთ-ერთი პროგრესული ნაბიჯი იყო,რადგან ყველას საკუთარი შეხედულების თანახმად შეეძლოა გამოეხატა საკუთარი რწმენა,რაც მთავარია,მას ამისთვის არ ემუქრება დასჯა,როგორც ადრე ხდებოდა.მაგ: 1215 წელს,ლატერანის IV საეკლესიო კრებამ გამოაქვეყნა დეკრეტი: “ჩვე,ეკლესიიდან განვკეთთ და ანატჰემას გადავცემთ მწვალებლობის ყოველ გამოვლინებას,რომელიც წმინდა ორთოდოქსული და კათოლიკური მრწამსის წინააღმდეგ გაილაშქრებს.საერო ხელისფლებმაც,თუ სურთ,რომ მორწმუნეთ იქნენ განხილულნი,უნდა დადონ ფიცი,რომ კეთილსინდისიერად იბრძოლებენ და ყველაფერს იღონებენ,რაც ძალუძთ,ეკლესიის მიერ მითითითებულ ერეტიკოსთა გასანადგურებლად”.

ამ შეთანხმებაში აშკარა ხდება ეკლესიის ჩარევა საერო,სახელმწიფოს საქმეებში,რადგან ადამიანის საერო წესით დასჯა სახელმწიფოს პრეროგატივაა და არა ეკლესიის.დეკლარაციაში კი ნათლად ჩანს თუ,როგორ ახდენს ეკლესია ზეწოლას სახელმწიფოზე,რაც გამოიხატება მწვალებლების დასჯაში ეკლესიის მითითებით.

ზემოთ მოყვანილი ორი დეკლარაციის მიხედვით თუ ვიმსჯელებთ,შევნიშნავთ,რომ “რელიგიის” მნიშვნელობა შეიცვალა 1965 წელს.1215 წელს ,ის სულ სხვა მნიშვნელობით გამოიყენებოდა.

იმ მოსაზრებას,რომლის მიხედვით ყველა ადამიანის ფლობს “ბუნებით უფლებას”,საფუძველი ჩაეყარა შუა საუკუნეების მოაზროვნეების მიერ.ამ დოქტრინამ პროგრესული გავლენა გავლენა იქონია ადამიანთა ცნობიერებაზე.

შუა საუკეებში იყო საუბარი “ეკლესიის თავისუფლებაზე”,მაგრამ ეს არ ყოფილა იმის გარანტი,რომ თითოეულ ადამიანს ექნებოდა სინდისის თავისუფლების საშუალება.იმის გამო,რომ არ მოიცავდა უფლებებს რელიგიის თავისუფლებზე,არ იყო საკმარისი არგუმენტ თავისუფლების “ბუნებითი უფლება”.

რელიგიური შემწყნარებლობისკენ მოწოდება ადრეულ ეპოქაშიც იყო,ამის მაგალითია ის,რომ ბუდიზმის მიმდევარმა მეფე აშიკომ მოსახლეობას შემწყნარებლური ცხოვრებისკენ მოუწოდა.მისი სიტყვები დღესაც ინარჩუნებს თავის აქტუალურობას: “უჯეროა მარტოოდენ თვისი თემის პატივიგება ან უბიჩად სხვისი თემის შებღალვა.მხოლოდ რაიმე ნაკლი შეიძლება იყოს შეგინების საფუძველი,რაკი ნებისმიერი თემის ამა თუ იმ მიზეზით პატივის ღირსია.როცა ამგვარად იქცევა ადამიანი,საკუთარი თემს განადიდებს და იმავდროულად საკადრისად ეპყროვა სსხვისას.სხვაგვარად მოქცევისას ადამიანი თავის თავს ვნებს და დაუმსახურებლად ამცირებს სხვისას.ვინაიდან,ვინც პატივს მიაგებს თავის თემს და სხვას კი მარტოოდენ საკუთარის ერთგულებისა და ერთგულებისა და განდიდების განზრახვით შეურაცყოფს,სინამდვილეში უდიდეს ზიანს გვრის მშობლიურ თემს”.

რელიგიის თავისუფლების ერთ-ერთი მთავარი ხელშემწყობია ქვეყნის მყარი და ძლიერი ეკონომიკური მდგომარეობა.მნიშვნელოვნად არის დამოკიდებული რელიგიის თავისუფლების ბედი მასზე.

ეკონომიკურ მდგომარეობასთან ერთად მნიშვნელოვანია ქვეყანაში მყარი პოლიტიკური მდგომარეობის არსებობა,წინაარმდეგ შემთხვევაში ხშირად იქცევა დისკრიმინაციის ობიექტად.

რელიგიისა და პოლიტიკის ერთ-ერთი მიმართულება მნიშვნელოვნადაა დამოკიდებული სახელმწიფოს და ქვეყნის რელიგიურ ინსტიტუებს შორის სამართლებრივ ურთიერთობაზე.გარკვეული რელიგიური ჯგუფებისიურიდიულ სტატუსზე.საერთაშორისო პრაქტიკის საფუძველზე სახელმწიფოსა და რელიგიის ურთიერთობის რამდენიმე მოდელი შეიძლება გამოვყოთ”

1. სახელმწიფოსა და რელიგიის სრული გამიჯვნა;

2. სახელმწიფოსა და რელიგიის კორპორაციული გამიჯვნა;

3. რელიგიური პრიორიტეტი;

4. სახელმწიფო და რელიგია;

ვინადიან,სახელმწიფოსა და რელიგიის სრული გამიჯვნა შეიძლება ჩავთვალოთ ყველა დემოკრატიულად,ამისთვის შეიძლება მივმართოთ აშშ_ს მაგალითს.

აშშ-ში რელიგიურ ორგანიზაციებს საზოგადოებრივი ორგანიზაციის სტატუსი ენიჭებათ და თავიანთ საქმიანობაში ისინი ყველასათვის სავალდებული კანონებს ემორჩილებიან.რომელიმე რელიგიისთვის არ არსებობს პრიორიტეტი,სხვა რელიგიებთან მიმართებაში.

სადაოა ის მოსაზრება,რომ რწემანა და რწმენიდან გამომდინარე ქმედებები გაალკევებული და განსხვავებადი კატეგორიებია.ეს შეხედულება არც სამართლის კომისიის და იურისპრუდენციით არის აღიარებული.

პროფესორი ევანსის განცხადებით,პიროვნების იძულება იმქმედოს თავისი რელიგიის ან რწმენის წინააღმდეგ მძიმე ზეგავლენას ახდენს არა მარტო ფორუმ ეხტერნუმ-ზე,არამედ ასევე კერძო,შინაგან სინდისზე.

იმ შემთხვევაში,როცა სახელმწიფო მოითხოვს ინდივიდისგან იმოქმედოს საკუთარი რელიგიის წინაარმდეგ,მაშინ უარყოფითი ზეგავლება ხდება ფორუმ ინტერნუმ-ზე.ასეთ შემთხვევად შეიძლება განვიხილოთ,როცა ხდება პიროვნების იძულება იმოქმედოს თავისი რელიგიის წინააღმდეგ. მიიღოს მონაწილეობა რელიგიურ რიტუალებში,რომელიც ეწინააღმდეგება მის რწმენებს,ან უარი თქვას საკუთარ რელიგიაზე.

იმ სახელმწიფოებს,რომლებიც რელიგიის ან აღიარებენ ევროპის,საერთაშორისო კონვენციებს არ აქვთ უფლება დევნა მოახდინონ,რომელიმე რელიგიის ან შეუმწყნარებლობაში გამოიჩინონ რელიგიის მიმართ.ასეთი ფაქტები კი ბევრია ისტორიაში.

სახელმწიფოს უფლება აქვს პირდაპირი გზით აკრიფოს დაწესებული ეკლესიისთვის განკუთვნილი საეკლესიო გადასახადები,მოცემული ეკლესიის წევრისაგან.

იმ სახელმწიფოში,სადაც არის დაწესებული ეკლესია,ქვეყნის მთავრობას უფლება აქვს,ჩამოაყალიბოს ეკლესიაში სამუშაოს დაწყების,როგორც ზოგადი ხასიათის პირობები,ისე მოთხოვნები კონკრეტული თანამდებობის მიმართ.

დღეს უკვე,როცა ევროპის ქვეყნება მიიღეს დეკლარაციები და კონვენციები რელიგიის თავისუფლების განსამტკიცებლად,მნიშვნელოვანი პროგრესული ნაბიჯი იქნა გადადგმული დემოკრატიული წყობილების მხრივს.წინ არის წამოწეული რელიგიური პლურალიზმის აქტუალურობა,რაც ერთ-ერთი მთავარია რელიგიის თავისუფლების თვალსაზრისით.სახელმწიფოები ცდილობენ ითანამშრომლონ ერთმანეთთამ,უსაფრთხო გარემოში იცხოვრონ სხვადასხვა ქვეყნის და რელიგიის წარმომადგნენლებმა ერთმანეთთან.

სწორედ ამ მიზნით,სამოქალაქო და პოლიტიკური უფლებების შესახებ პაქტის მე-17,ადამიანის უფლებებისა და თავისუფლებების დაცვის ევროპის კონვენციის მე-8 და ადამიანის უფლებათა საყოველთაო დეკლარაციის მე-12 მუხლით დაცული პირადი ცხოვრების ცხოვრების უფლებასთან ,რომელიც გულისხმობს ადამიანის ეგზისტენციისა და ავტონიმიის სფეროს.ამ საყოველთაოდ აღიარებული უფლებების შეზღუდვა აკრძალულია.გარდა გამონაკლისი შემთხვევებისა,როცა,შეიძლება შეიზღუდოს სხვა ადამიანების თავისუფლებისა და პირად ცხოვრებაში ჩაურევლობის უფლებით.

ამა თუ იმ რელიგიური შეხედულებების შეცვლის უფლება არ შეიძლება რეგულირდებოდეს სახელმწიფოს მიერ.

სინდისია და რელიგიის თავისუფლებაში იგულისხმება,რომ ყოველ ადამიანს უფლება აქვს იცხოვროს სხვა ადამიანთა სინდისთან ჰარმონიაში,ამ შემთხვევაში ,ის სინდისის აბსოლუტური თავისუფლებით სარგებლობს,მანამ,სანამ არ შეეხება სხვების თავისუფლებას.

უმცირესობათა უფლებების დაცვის ქვეკომისიამ 1956 წელს,პირველად გამოიყენა “რელიგია და რწმენა” – ეს ორი ტერმინი ერთად,ისინი მოიცავდნენ სხვადასხვა თეისტურ მრწამსს,ისეთ რწმენებს,როგორიცაა აგნოსტიციზმი,თავისუფალი აზრი,ათეიზმი და რაციონალიზმი.მათი განმარტებით ტერმინი “რწმენა” არალეგიურ მრწამსაც გულისხმობს.

ადამიანის უფლებათა კომისიის აზრით,მნიშვნელობა არა აქვს რელიგიისა და რწმენის წარმოშობის სროს და,რომ ძირძველ რელიგიებს არ უნდა ჰქონდეთ არანაირი განსხვავებული სამართლებრივი სტატუსი.

ის ფაქტი,რომ აზრის,სინდისის,რელიგიისა და რწმენის თავისუფლება თანაბარი ღირებულებისაა,როგორც რელიგიური,ასევე არალელიგიური ადამიანებისთვისაც.ზრდის ამ უფლებების დაცვის აუცილებლობას.

რელიგიის თავისუფლებისადმი მოწოდება აისახა ისეთ სამართლებრივ აქტებში,როგორიცაა 1789 წლის საფრანგეთის დეკლარაცია,”ადამიანისა და მოქალაქის უფლებების შესახებ”.ამავე დეკლარაციაში მე-10 მუხლის თანახმად: “არ შეიძლება ვინმეს შეეზღუდოს აზრის გამოხატვის თავისუფლება”.

აშშ-ს 1791 წლის “უფლებათა ბილის” პირველი მუხლი უკრძალავს ცონგრესს მიიღოს ისეთი კანონი,რომელიც განსაკუთრებულ მნიშვნელობას ანიჭებს რომელიმე რელიგიას,ან პირიქით,კრძალავს მის თავისუფალ აღმსარებლობას.

მართალია,გარკვეულწილად ადრეც არსებობდა მსგავსი “შეთანხმებები”,მაგრამ ის არ ყოფილა მყარი და ეფექტრული.ძირითადად ევროპული კონვენციები გავრცელდა მეორე მსოფლიო ომის შემდეგ.

Aდამიანის უფლებათა საერთაშორისო სამართლის საფუძველი ჩაუყარა გაერთიანებული ერების ორგანიზაციის წესდებამ.

გაეროს ასამბლეის მიერ 1948 წელს მიღებული “ადამიანის უფლებათა საყოველთაო დეკლარაციის” ,კერძოდ 26.2-ე მუხლის თანახმად “განათლება ხელს უნდა უწყობდეს ყველა ხალხის,ყველა რასობრივი და რელიგიური ჯგუფების ურთიერთ გაგებას.შემწყნარებლობას და გაერთიანებული ერების ორგანიზაციის მოღვაწეობას,მშვიდობის შესანარჩუნებლად”.

დეკლარაცია უფლებას აძლევს სრულწლოვან ადამიანებს,ეროვნული ან რელიგიური ნიშნის მიხედვით,შეზღუდვების გარეშე დაქორწინდნენ და შექმნან ოჯახი.

აღსანიშნავია,რომ ყოველი ადამიანი სარგებლობს აზრის,სინდისისა და რელიგიის თავისუფლებით.

მნიშვნელოვანია,რომ რელიგიები ,რომლებიც ახლად დაფუძნებული რელიგიების ან იმ რელიგიების,რომლებიც იმყოფებიან უმცირესობაში,სამართლებრივად იყოს მათი უფლებები დაცული და არ მოხდეს მათი,რაიმე სახით დისკრიმინაცია.ესეთი ფაქტები ძირითადად რელიგიური უმრავლესობის მხირად მოდის.

როცა საუბარია რელიგიისა და მრწამსის თავისუფლებაზე,ეს უფლებას გვაძლევს გავაკეთოთ ისეთი მოქმედებეი,როგორიცაა: რელიგიური ლიდერების არჩევა,სემინარებისა და რელიგიური სასწავლებლების დაარსების უფლება,ასევე უფლება გვეძლევა გავავრცელოთ რელიგირი შინაარსის ტექსტები და წიგნები.

იმისათვის,რომ დაცული იყოს პიროვნების რელიგიის თავისუფლება უნდა აიკრძალოს მისი რწმენის შეცვლის იძულება ან,აღიარონ ძალისმიერი გზით,იძულებით.

იმ მიზნით,რომ არ მოხდეს რომელიმე რელიგისათვის პრივილეგიის მინიჭება ან მისი “ქადაგება”,დეკლარაციის მე-18.4 მუხლის თანახმად,შეილება მხოლოდ რელიგიის ისტორიის სწავლება და არა,რომელიმე რელიგიის მრწამსის შესწავლა.

რელიგიის თავისუფლების დაცვის მხრივ,მნიშვნელოვანია “საერთაშორისო კონვენცია დისკრიმინაციის ლოკვიდაციის შესახებ”.მიღებული კონვენცია,რომელიც მიიღეს 1966 წელს.კონვენციაში დაკონკრეტებულია რელიგიის თავისუფლების მნიშვნელოვანი როლი:

· აზრის,სინდისისა და რელიგიის თავისუფლების უფლება;

· რწმენის თავისუფლება და მისი თავისუფლად გამოხატვის უფლება.

სწორედ ამ კონვენციიდან გამომდინარემგანსაკუთრებულად არის დაცული 18 წელს მიღწეული პირების უფლებები.კერძოდ კი,გაეროს ეგიდით 1989 წლის 10 ნოემბერს მიღებული “ბავშვის უფლებათა კონვენციის” თანახმად,მონაწილე სახელმწიფოები პატივს სცემენ ბავშვის აზის,სინდისისა და რელიგიის თავისუფლებას.რელიგიურ უფლებათა შეზუდვა აკრძალულია,გარდა კანონით გათვალისწინებული შემთხვევებისა,როცა ის შეურაცყოფს სხვათა უფლებებს,საფრთხეს უქმნის ქვეყნის ან საზოგადოების უსაფრთხოებას.

ამავე კონვენციის 30-ე მუხლით დაცულია უმცირესობათა უფლებები.სახელმწიფოებში,სადაც არსებობენ ათნიკური ან რელიგიური უმცირესობები,არ შეიძლება უარი ეთქვას უფლებზე,თავისი ჯგუფის სხვა წევრებთან ერთად ეზიაროს საკუთარ კულტურას.დაუფარავად აღიაროს თავისი რელიგია და აღასრულოს რელიგიური წესები ან ისაუბროს მშOბლიურ ენაზე.

მიუხედავად იმ დეკლარაციებიდა და კონვენციების არსებობისა,რომლებიც იცავედნენ ადამინაის რელიგიის თავისუფლებებს,მაინც ირღვეოდა მათი უფლები და ხშირად ყოფილან დისკრიმინაციის ობიექტი,როგორც სახელმწიფოს,ასევე თანამოქალაქეების მხრიდან.

ამ ყველაფრის გათვალიწინებით,გაეროს გენერალრი ასამბლეა იძულებული გახდა 1981 წლის 25 ნოემბერს მეღო დეკლარაცია: “დეკლარაცია რელიგიისა თუ მრწამსის საფუძველზე შეუმწყნარებლობის დისკრიმინაციის ყველა ფორმის ლიკვიდაციის შესახებ”.

აღსანიშნავია,რომ ეს დეკლარაცია დღემდე ერთადერთია,რომელიც მიძღვნილია რელიგიისა თუ მრწამსის საფუძველზე რელიგიისა თუ მრწამსის საფუძველზე გამოვლენილ დისკრიმინაციებზე.

რელიგია და მრწამსი ერთ-ერთი მნიშვნელოვანი ელემენტია მორწმუნეების ცხოვრებაში.

გარდა ფიზიკური პირებისა,დისკრიმინაციის ობიექტი შეიძლება იყოს ნებიემიერი სახელმწიფო თუ ორგანიზაცია.

ამ დეკლარაციებს ისიც განამტკიცებს,რომ მისი დარღვევის შემთხვევაში რომელიმე ქვეყნის მიერ,აღქმული იქნება,როგორც დაბრკოლება სახელმწიფოებს შორის მეგობრული ურთიერთობისა და საფრთხის შექმნა მშვიდობიანი თანაცხოვრებისა.რაც ბუნებრივია ,რომ არცერთი დემოკრატიული სახელმწიფოს ინტერესებში არ შედის.სწორედ ამაზე დაყრდნობით შეგვიძლია ვივარაუდოთ,რომ ეს დეკლარაციები თუ კონვენციები მაქსიმალურად იქნება დაცული და შესრულებული სახელმწიფოების მიერ.

აშკარაა,რომ ბევრი რამ შეიცვალა ადრელ ეპოქასთან შედარებით,რელიგიის თავისუფლებასთან მიმართბაში,ბევრი პროგრესული ნაბიჯები დაგაიდგა და სახელმწიფოები ცდილობენ,რომ მაქსიმალურად იყოს თავიანთი მოსახლეობის უფლებები დაცული.მაგრამ რასაკვირველია,გადადგმული ნაბიჯები არ არის საკმარისი და მას კიდევ სჭირდება დახვეწა და განახლება,რადგანაც წლებთან ერთად იცვლება ადამიანთა მსოფხევდველობა და რამდნიმე წლის წინ მირებული შეთანხმებები ვერ იქნება შესბამისი ახალი ეპოქის.საერთაშორისო თანამეგობრობამ მაქსიმლალურად ამ მხრივ პლურალიზმის დამკვიდრება,ისე,რომ არ იყოს სხვათა უფლებები დარღვეული.გარდა სახელმწიფოებისა და საერთაშორისო ორგანიზაციებისა,ეს თითიოეული ადამიანის პრობლემას უნდა წარმოადგენდეს,როგორც უმრავლესობის,ასევე უმცირესობის.რადგან მთლიანობაში ეს მათი უსაფრთხოების გარანტი იქნება.

გამოყენებული ლიტერატურა

გურჩიანი, თ. აზრის,სინდისისა და რელიგიის თავისუფლება.

თავისუფლების ინსტიტუტი. რელიგიის თავისუფლება.

პაპუაშვილი, თ. სახელმწიფოს და რელიგიური გაერთიანებების ძირითადი პრინციპები.

ლევან ჯგერენაია

იური შევჩუკი და ჯგუფი DDT (ДДТ)

2010-10-24T15:18:00.000-07:00

როცა გადავათვალიერე ჩემი ბლოგი,არაფერი იყო იური შევჩუკზე.ამიტომაც გადავწყვიტე ცოტა ინფორმაცია შემეგროვებინა მასზე და დამედო (თან ამ ბოლო დროს,უყურადრებოდ არის ჩემი ბლოგი).

რა თქმა უნდა,აქ ძალიან ცოტა რამ იქნება მასზე,ფაქტია,ასეთი პატარა პოსტით არ ამოიწურება შევჩუკის საქმეები.

ყველას მოსმენილი ექნება მისი სიმღერა:

„Когда закончится нефть,
Наш президент умрет.
И мир станет немного свободней,
А слезами греланский мед“.

ვინც არ იცნობს ამ ადამიანს,უკვე მიხვდებოდა ,დაახლოებით ვისთან გვაქვს საქმე.

ახლა კი,ორიოდე სიტყვა მასზე და მის ჯგუფზე „DDT”.

შევჩუკი და ჯგუფი DDT

შევჩუკი დაიბადა 1957 წლის 16 მაისს.

როკ ჯგუფი „DDT“ შეიქნმა 1980 წელს,უფაში .მისი დამაარსებელია იური შევჩუკი.

თავად ჯგუფის სახელწოდება მომდინარეობს ნივთიერებისგან, რომლითაც წამლავდნენ პარაზიტ მწერებს.

ჯგუფის შემადგენლობა, იური შევჩუკი - სოლისტი; რუსტემ ასანბაევი - გიტარისტი; გენადი როდინი - ბასისტი; ვლადიმირ სიგაჩიოვი - კლავიში და რინატ შამსუსტდინოვი - ბარაბანი.

პირველივე წელს ჩაწერს ალბომი „დდტ-1“,მაგრამ,უხარისხობის გამო არ გამოიცა.

1981 წელს ჯგუფიდან წავიდა რინატ შამსუსტდინოვი და მისი ადგილი დაიკავა რუსტემ კარიმოვმა.

1982 წელს ჯგუფმა კონკურსზე - “ოქროს კამერტონი” სიმღერისთვის - “არ ისროლო”.თავად შევჩუკი მიიწვიეს მოსკოვში,რათა სტუდიაში ჩაეწერათ სიმღერა „Не стреляй“.

1982 წელს გამოდის მეორე ალბომი „Свинья на радуге“.

1983 წელს მათ შეასრულეს სიმღერა „Рок за мир“.ამავე წელს ისევ ცვლილება განხორციელდა მათ შემადგენლობაში.ამჟამად კი ჯგუფში მოვიდა ახალი ბარაბანი - სერგეი რუდოი.

ალბომი - “პერიფერია” გამოსვლის შემდეგ. კომუნისტურმა პრესამ ჯგუფი ასე შეაფასა: “ვატიკანის აგენტები, უსაქმურების ბრბო“.

1984 წელს გამოსცეს ახალი ალბომი „Периферия“ ,შეიძლება ითქვას,რომ ერთ-ერთი ყველაზე სკანდალური მათთვის,რადგან სწორედ ამ ალბომის გამოშვებას მოჰყვა შევჩუკის დაბარება „კგბ_ში“ .მათ აეკრძალათ უცხოეთში მოგზაურობა.

1986 წელს შევჩუკი და მისი ოჯახი დასახლდა ლენინგრადში.ამავე დროს იცვლება ჯგუფის შემადგენლოდა ახალი შემადგენლობით ატარებს კონცერტს 1987 წელს,ლენინგრადში.

1988 წელს გამოდის კიდევ ერთი ახალი ალბომი - „Оттепель“ ,ხოლო 1889 წელს „Алисой“.

1993 წელს სანკტ-პეტერბურგში,სასახლის მოედანზე,მის კონცერტს 120,000 ადამიანი დაესწრო.

მან რუს და ჩეჩენს სამხედროებს კონცერტი მიუძღვნა 1995 წელს.სორედ მაშინ,როცა საომარი მოქმედებეი მიმდინარეობდა.

დღეს ჯგუფიშ შემადგენლობა ასე გამოიყურება: იური შევჩუკი – სიმღერებისა და ტექსტების ავტორი, ვოკალი, გიტარა და არანჟირება; ალეკსეი ფედიჩევი - გიტარა; კონსტანტინ სუმაილოვი - კლავიში, არანჟირება; იგორ დოცენკო – დასარტყამი ინსტრუმენტები. პაველ ბორისოვი – ბასი;მიხაილ ჩერნოვი – საქსოფონი, ფლეიტა; ნიკიტა “ზოლცმანი”, ზაიცევი – ვილოლინო, ალტი, გიტარა; ივან ვასილიევი - ტრუბა.

ეს,რაც შეეხებოდა მის მუსიკალურ კარიერას...

2004 წელს,მანდ გადაიღო ფილმი,რუსეთის მართლმადიდებლური ეკლესიის შესახებ,რომელიც შედგება 10 სერიისგან.აღსანიშნავია,რომ ფილმი გადაღებულია რუსეთის პატრიარქის, ალექსი II_ის ლოცვა-კურთხევით.

დაპირისპირება მთავრობასთან

მართალია,ის არც ერთ პოლიტიკურ პარტიას არ განეკუთვნება,მაგრამ ის აქტიურად მონაწილეობს პუტინის საწინააღმდეგო აქციებში.რუსებმა პუტინის საწინააღმდეგო აქცია,რომ გამართეს,შევჩუკს ჯერ აპარატურა არ შეატანინეს, მერე კი,პოლიციელებმა ალყაში მოაქციეს შეკრებილი ხალხი, მაგრამ მან მაინც რუპორებში მოახერხა ემღერა.

ასევე ცნობილია მისი სკანდალური შეხვედრა პუტინთან.როცა მან ინტერვიუ მისცა „NEWSru Israel“_ის ჟურნალისტებს,განაცხადა: „მინდა დემოკრატიულ,სამართლიან ქვეყანაში ვიცხოვრო,სადაც თითოეული ადამიანი კანონით იქნება დაცული.ზოგიერთებს ხელისუფლების ეშინიათ,მაგრამ გარწმუნებთ,სავსებით შესაძლებელია მთავრობასთან მშვიდად ისაუბრო და არ გიკანკალებდეს მუხლები“ (ციტირებულია azrebi.ge_დან).როგორც თვითონ ამბობს,პუტინთან შეხედრამდე მას დაურეკეს და გააფრთხილეს,რომ უხერხული შეკითხვები არ დაესვა.

რუსმა ხალხმა გაავრცელა მიმართვა მისდამი,რომ მიიღოს მონაწილეობა 2012 წლის საპრეზიდენტო არჩევნებში,როგორც ისინი ამბობენ,დაიღალნენ მთავრობის რეჟიმით და მილიციური განუკითხაობით.რუსეთშ უკვე გაჩნდა საზოგადოება ,სახელწოდებით „იური შევჩუკი - პრეზიდენტი!“.

ალბომები,სინგლები,კრებულები და ა.შ...

1981 — ДДТ-1, არ გამოცემულა

1982 — Свинья на радуге (ღორი ცისარტყელაზე)

1983 — Компромисс (კომპრომისი)

1984 — Периферия ( პერიფერია)

1985 — Время (დრო)

1988 — Я получил эту роль (ეს როლი მერგო)

1990 — Оттепель (ზამთრის სითბო)

1991 — Пластун (პლასტუნი)

1992 — Актриса Весна (მსახიობი გაზაფხული)

1994 — Это всё… (დასრულდა)

1996 — Любовь (ქსიყვარული)

1997 — Рождённый в СССР (სსრკ-ში დაბადებული)

1999 — Мир номер ноль (მსოფლიო ნომერი ნოლი)

1999 — Просвистела (სტვენით ჩაიფრინა)

2000 — Метель августа (აგვისტოს ქარბუქი)

2002 — Единочество. Часть 1: Мама это рок-н-ролл? (ერთობა. ნაწილი 1: დედა, ეს როკ-ენ-როლია?)

2003 — Единочество. Часть 2: Живой (ერთობა. ნაწილი 2: ცოცხალი)

2003 — Песни (სიმღერები)

2005 — Пропавший без вести (უგზო-უკვლოდ დაკარგული)

2007 — Прекрасная любовь (მშვენიერი სიყვარული)

ცოცხალი ალბომები

1993 — Чёрный пёс Петербург (შავი ქოფაკი პეტერბურგი)

1997 — Два концерта. Акустика (ორი კონცერტი. აკუსტიკა)

2004 — Город без окон. Вход (ქალაქი ფანჯრების გარეშე. შესასვლელი)

2004 — Город без окон. Выход (ქალაქი ფანჯრების გარეშე. გასასვლელი)

კრებულები

1999 — Легенды русского рока. ДДТ, часть 1 (რუსული როკის ლეგენდები. ДДТ, ნაწილი 1)

2004 — Grand Collection, ДДТ

2005 — Гляди пешком (ქვეითად უყურე)

2005 — Легенды русского рока. ДДТ, часть 2 (რუსული როკის ლეგენდები. ДДТ, ნაწილი 2)

2006 — Family CD1 (ოჯახი, დისკი 1)

2006 — Family CD2 (ოჯახი, დისკი 2)

2008 — Не стреляй! (არ ისროლო!)

სინგლები

1995 — Это всё... (დასრულდა)

1998 — Одноразовая жизнь (ერთჯერადი ცხოვრება)

1998 — Мир номер ноль (მსოფლიო ნომერი ნოლი)

იური შევჩუკის სოლო-ალბომები

1982 — Я уезжаю (მივდივარ)

1983 — Череповецкий магнитоальбом (ჩერეპოვეცკში ჩაწერილი მაგნიტური ფირი)

1985 — Москва. Жара (მოსკოვი. სიცხე)

1995 — Кочегарка (1985) (საცეცხლფარეშო)

2001 — Два концерта. Акустика (1998) (ორი კონცერტი. აკუსტიკა)

2008 — L’Echoppe (ფარდული)

სიმღერის ტექსტები

ვიდეოები/კლიპები

წყაროები:

http://ddt-info.ru

http://sborgolosov.ru

http://ka.wikipedia.org

http://despani.com

ლევან ჯგერენაია

Virtual PC ანუ დაიზღვიე თავი :)

2010-10-02T14:17:00.000-07:00

ვიცი,თუ ამ პოსტს კითხულობთ,დასაწყისში იფიქრებთ,რომ "საწუწუნოდ" დავწერე.ცდებით.ამას მაშინ შეამჩნევთ,თუ ბოლომდე წაიკითხავთ :)

დღეს,როცა ლექციიდან დავბრუნდი (02.10.2010) ,გადავწყვიტე დამეყენებინა Windows7,რადგან, ძველს ვინდს ,პრობლემები ჰქონდა,თან,რაღა დაგიმალოთ და მისი დიზაინიც მოსაბეზრებელი იყოს.

მოვემზადე ახალი ვინდის ჩასაწერად და ყველა საჭირო ფაილი, D დისკზე გადავიტანე.

როცა, დავიწყე ჩაწერა,ანუ გადავედი პარამეტრების შევსებაზე, მივადექი ერთ-ერთ საფეხურს,სადაც ხდება დისკების შექმნა და დაფორმატება.არ ვიცი რა მოხდა,მაგრამ ეს ფუნქციები (დაფორმატება და დისკის შექმნა) "გაქრა",ანუ აღარ იყო... მეც გავაგრძელე და ჩავწერე ბოლოდე.მაინტერესებდა,რა გამოვიდოდა :) გამოვიდა ის,რომ ჩავწერე ახალი ვიდოუსი, დარჩა ძველიც, ხოლო ის ფაილები,რაც ძალიან მჭირდება და D დისკზე შევინახე საგულდაგულოდ, ყველაფერი დაიკარგა :( მიზეზი,რომ გავიკითხე, ყველამ დისკს დააბრალა (საინსტალაციო დისკს)...

მართალია,იმ ფაილებს ვეღარ დავაბრუნებ,მაგრამ მივედი ერთ დასკვამდე,სანამ მზგავს ნაბიჯს გადადგამ, გატესტე და სცადე დაყენება Virtual PC_სე.ანუ, ეს არის ვირტუალური კომპიუტერი,სადაც შეგიძლიათ დააყენოთ ვინდოუსი, პროგრამები,თამაშები და ა.შ... ეს ყველაფერი გასატესტად.როცა ექსპერიმენტებს მორჩებით ,წაშალეთ.

ეს ყველაფერი,მხოლოდ "ვირტუალურ კომპიუტერზე" იქნება, "ნამდვილ" კომპიუტერში კი, ჩვეულებრივად ისე იქნება,როგორც მანამდე იყო... რაც მთავარია, თავს დაიზღვევთ.

რაც შეეხება თავად პროგრამას,აგიტვირთავთ ერთ-ერთ ფაილ ჰოსტინგზე,რათა ძებნა არ მოგიხდეთ :)

Virtual PC - გადმოწერა

გამოყენება ძალიან მარტივია:

დააინსტალირეთ;
გაუშვით პროგრამა,შექმენით "ოპერატიული მეხსიერება";
შემდეგ ჩადეთ დისკი და გაუშვით "Start" ... (დანარჩენი კი,ყველაფერი ისე,როგორც ჩვეულებრივ კომპში).

გისურვებთ წარმატებას და "წინდახედულობას" ! :)

ლიტერატურის მითითება სტატიაში

2010-10-01T05:56:00.000-07:00

PDF ფორმატის გადმოწერა

ლევან ჯგერენაია

5 რამ,რაც ყველაზე მეტად მიყვარს

2010-06-24T14:22:00.000-07:00

მას შემდეგ,რაც ნიკამ დამთაგა ახალ ტეგთამაშში „5 რამ,რაც ყველაზე მეტად მიყვარს“ მევალება დავწერო პოსტი.შინაარს უკვე სათაურიდანვე მიხვდებით.

ალბათ ამას ბოლომდე და მითუმეტეს დიდი ინტერესით არავინ წაიკითხავს,ამიტომ შევეცდები ძალიან მოკლე პოსტი გამოვიდეს.

სიმართლე გითხრათ,აქამდე არც მგონდა დალაგებული ის 5 რამ,რაც ყველაზე მეტად მიყვარს.მიზეზი კი ალბათ ის არის,ბევრი რამ მიყვარს.ინინი კი „სიძლიერის“ მიხედვით არ დამილაგებია.იძულებული ვარ ეს ახლა გავაკეთო.

მას ასე,ვნახოთ რა არის ის 5 რამ (მეც მაინტერესებს)...

1. ეს არის მუსიკა...რა თქმა უნდა როკი (იშვიათად ჯაზსაც)...ბარემ მომღერლებაც ვიტყვი - ირაკლი ჩარკვიანი და თომ უეითსი;

2. „ეროვნულ ბიბლიოთეკაში“ წიგნების კითხვა.პრინციპში სახლშიც : ) ოღონდ კოპიუტერში არა ;

3. უნდა ვაღიარო,რომ მესამე ადგილი სამართლიანად ეკუთვნის შემწვარ კარტოფილს ...ეს ისაა,რაზეც არასდროს და არსად ვამბობ უარს : ) ;

4. ქუჩაში სეირნობა...შემიძლია 1-2-3-4-5 კმ და უფრო მეტიც ვიარო ფეხით.ისე,რომ არც კი წავიწუწუნებ : ) ;

5. ეს ალბათ მე-2 და მე-3_სთან შეიძლებოდა ყოფილიყო,მათთან ერთან,მაგრამ ,რატომღაც მეხუთეში წამოვიღე.მათ არაკომფორტულად რომ არ ეგრძნოთ თავი...ეს არის კომპიუტერი და ინტერნეტი;

მგონი ჩამოვყალიბდი.ამიერიდან მეც მეცოდინება,რა მიყვარს ყველაზე მეტად.

ახლა კი,მგონი დროა,რომელიმე ბლოგერი დავთაგო.ამჯერად ერთ-ერთ ახალ ბლოგერს - თემოს დავთაგავ.დარწმუნებული კარგად გაართმევს თავს.კარგი ბავშია : ) წარმატებებს და გამძლეობას ვუსურვებ შემოქმდებით პროცესში : )